Leedsaranum leiðist

Lítið um óvænt úrslit að mínu mati.  Spáði 8 áfram af 10 eftir að hafa séð öll lögin koma fram, en það er oft mikill munur að sjá atriðin sjálf en heyra bara lagið á myndbandi.  En ég spáði Írum og Slóvenum áfram, en í þeirra stað komumst Ísraelar og Pólverjar. Hina 8 hafði ég rétta.

Bosníska lagið fannst mér slá í gegn, mjög grípandi og athyglisvert, en um leið og ég heyrði fyrsta sönginn fanst mér ég hafa heyrt hluta lagsins, og þann mest grípandi, áður.  Og það er ekkert annað en lagið Mother með Pink Floyd sem kom upp í hugann.

Endilega tékkið á þessu og segið mér hvort þið séuð sammála eða hvort ég sé alveg úti að aka og hafi ekki hundsvit á músik.

Bosnia:  http://www.youtube.com/watch?v=zS8img-tNFM

Pink Floyd: http://www.youtube.com/watch?v=wBkTUzKAiXQ

Það lítur ekki vel út hjá Leedsurum eftir 2-1 tap gegn Carlisle á heimavelli.  Markvörður Carlisle átti sannkallaðan stórleik og bjargaði sínum mönnum nokkrum sinnum.  Hinsvegar eru Carlisle engir aukvissar og það verður ekki létt verk að vinn þá á sínum heimavelli.  En mark Leedsara, skorað þegar klukkan sýndi 95:40 heldur voninni þó lifandi.

Seinni leikurinn á morgun og fer ég klárlega á Ölver til að horfa á hann.  Hinsvegar ætti ég nú að senda hamborgaratilboð þeirra Ölversmanna á okursíðu Gunna.  Kostaði 1100 kr. í desember, bjór, borgar, franskar og sósa en kostaði 1600 kr. á þriðjudaginn.  Feit hækkun það, verð klárlega búinn að borða áður en ég fer þangað á morgun.

Ísland:  *** - Það er ekki sanngjarnt að bera lag sem maður hefur heyrt 30 sinnum saman við lög sem maður er að hlusta á í fyrsta skipti.  Engu að síður er ég nokkuð sáttur við þetta framlag.

Svíþjóð: ***1/2 -  Lag sem ég hef heyrt tvisvar áður, en mér finnst það þrælgott.  Seinna undanúrslitakvöldið byrjar betur en það fyrra, það er ljóst. En hún Charlotte hefurklárlega bætt á sig Silíkoní síðan hún vann hana Selmu okkar.

Tyrkland: * - Næ þessu lagi alls ekki.

Úkraína: **1/2 - Ég er persónulega ekki að fíla þetta, en lagið er gott engu að síður. Gæti náð langt.

Litháen: **1/2 - Kraftmikið og nokkuð sterkt lag, en söngvarinn er ekki alveg að ráða við það.

Albanía: ** - Þjóðlegt, nokkuð grípandi, söngkonan sæt.

Sviss: *1/2 - Ég held ég sé kominn með overdoze af eurovisionlögum á einu kvöldi.

Tékkland: * - Bara fyrir þessar hálfnöktu gellur á sviðinu - nei ég segi bara svona.

Hvíta Rússland: *1/2 - Úkraína senda lagið Hasta la vista í keppnina 2003. Það lag endaði í 14. sæti með 30 stig. Ég spái þessu lagi verra gengi, jafnvel þó hann Ruslan sé voða sætur.

Lettland: * - We say hihihi we say hohoho var mun betra lag en þetta, öll sviðsframkoma og búningar voru mun betri.  Komist þetta lag langt, er ljóst að Ceres4, Gills og Gasarinn hefðu rústað þessari keppni.

Króatía: **1/2 -  Hljóðgæðin í myndbandinu hörmuleg, en þetta lag lofar
góðu. Ellilífeyrisþeginn mætti samteiga sig.  Þetta lag á frekar eitthvað inni en hitt þegar hljóðið verður eðlilegt.

Búlgaría: * - DJ, please take me away........no comment.

Danmörk: **1/2 - Þetta er skítalag, en viðlagið eitthvað svo grípandi.  Vakna örugglega með "all night long" á heilanum í fyrramálið.

Georgía: *** -  Peace will come. Hver man ekki eftir ítalska laginu sem fjallaði um sameinaða evrópu, sem vann eurovision.  Ágætis lag með þennan boðskap hlýtur að gera einhverja hluti. 

Ungverjaland:  ** - Get lítið sagt um þetta lag nema það er rólegt, lag sem virkar ekkert spes við fyrstu hlustun en vinnur örugglega á.

Malta: ** -  Bíddu bíddu, hvað varð um íturvöxnu söngkonurnar sem Maltverjar senda alltaf??  Nú er komin skutla sem syngur um vodka.Magnað, samt ekki.

Kýpur: ***  Ansi söngleikjalegt, einfalt, en mjög skemmtilegt.

Makedónía: * - þetta lag þyrfti að vera í miðri keppni, bara til að fá auka klósettpásu.

Portúgal: * - jess, búið.

Heilsan var ekki lengi að verða betri, þó ég sé ennþá með leiðindaslím í mér, 5 vikum eftir að ég veiktist.

Annars er stefnan sett á Akureyri í dag, ferming á morgun og svo verður spókað sig í höfuðstað norðursins.

 Sumarið loksins að sigla í höfn, sem er hið besta mál.  Hef góða tilfinningu fyrir sumrinu.

Að lokum legg ég það til að lögreglan sinni starfi sínu og handtaki og sekti lögbrjótana sem loka hér vegum inn og útúr bænum.  Ég er sannfærður um að þeir loki öðrum æðum til og frá Rvk seinna í dag, og hindri för þúsunda landsmanna.

Vörubílstjórar hafa verið að vekja usla síðustu vikur og hafa fengið góðan róm fyrir, hafa náð fundi hjá 2 ráðherrum og betrum er lofað, þó ekki strax, eins og stjórnmálamanna er siður.

Nú gengur sá orðrómur fjöllum hærra að þeir ætli að stoppa allt á mánudagsmorgunin.  Einfaldlega leggja bílum sínum á öll fjölförnu gatnamótin, læsa og labba í burtu.  Það gæti tekið dágóðan tíma að draga bílana í burtu og koma öllu í eðlileg horf.

Vörubílstjórar hafa fengið stuðning almennings hingað til, og í raun kemur mér á óvart hvað fólk hefur tekið þessu vel.  En framkvæmi þeir operation stóra stoppið, þá er ég viss um að sú samúð hverfi fljótt, sér í lagi þegar fréttir berast af slysum sem sjúkrabílar komast ekki í að sinna og öðrum sambærilegum atburðum.

Vörubílstjórar ættu frekar að einbeita sér að ráðamönnunum og þeim aðilum sem þeir vilja að hlusti á þá.  Sturta skít fyrir framan Alþingishúsið, loka af ráðuneytin og slíkt ætti að skila mun betri árangri en tefja greyið meðaljónin í að sækja börnin sín í leikskólanna eða komast í vinnunna.

Svo verð ég að nefna ráðherra sjálfstæðisflokksins.  Ný forysta verður einfaldlega að taka við ef flokkurinn ætlar sér meira en 30% í næstu kosningum.  Geir Haarde fer í fýlu þegar hann er lokaður inn, en segir ekki orð á meðan hann sleppur.  Einstaklega barnalegt.  Auk þess er hann ekki að gera neina góða hluta.  Árni Dýralæknir og stóra ráðningamálið er náttúrlega einn stór brandari. Hrokagikkur með stóru H-i.  Björn Bjarnason hefur alltaf verið sér capituli út af fyrir sig með sínum einhliða ákvörðunum og herbrölti.  Yngra fólki verður að taka við þessum flokki til að bjarga honum og okkur útúr þeirri spillingu sem ríkir í þessu blessaða bananalýðveldi okkar.