Evran

Í dag fær maður 1 evru fyrir 99,45 kr. Mér þykir mjög líklegt að á morgun eða hinn þurfi maður að borga yfir 100 kr. fyrir Evruna.

Er ekki málið að Dabbi kóngur grípi til sinna ráða í Seðlabankanum, hengi evruna við krónuna þegar hún er á sléttu hundraðinu. Við fellum 2 núll af krónunni (fordæmi fyrir því á Íslandi). Þá ættu allir að verða sáttir. Við getum haldið krónunni, en gengi hennar sveiflast samhliða evrunni.

Ég held að allir ættu að geta verið sáttir við þessa lausn, og Davíð gætur hætt þessu rugli og snúið sér að skriftum aftur. Þeir einu sem gætu kvartað eru þeir sem tóku lán í evrum síðustu mánuði!!!!

Að lokum legg ég það til að borgarstjórn verði lögð niður.

Athugasemdir

[Gulli (IP-tala skráð) 12.2.2008 kl. 16:48]

Er þá ekki alveg jafngott að sleppa krónunni alveg og koma sér undan veseninu við að halda úti krónunni alfarið?

[Leedsarinn, 13.2.2008 kl. 09:23]

Vissulega Gulli, en við skulum sleppa því skrefi í bili, svo þeir sem eru á móti evrunni beri ekki skertan hlut frá borði ;-)

[Gulli (IP-tala skráð) 14.2.2008 kl. 13:49]

Ég var augljóslega ekki nógu mikill diplómat þegar ég skrifaði þessa athugasemd :)