Reykingar

Undanfarna mánuði hafa reykingar verið óheimilar á skemmtistöðum, og er það bara hið besta mál. Ég hef getað setið á þeim stöðum lengur en ella og ekki þurft að senda öll fötin mín í hreinsun.

Þeir sem mig þekkja vita að ég hef haft óbreit á reykingum alla mína hunds og kattatíð og hika ekki við að láta fólk heyra það sem reykir í minni návist.

Nú eru hinsvegar aumur á reykingamönnum og bareigendum sem vilja fá að hafa reykherbergi inn á stöðunum í stað þess að þurfa að senda viðskiptavinina út í 20 metra á sekúndu og slyddu. En yfirvöld segja bara nei. Það finnst mér óskiljanlegt.

Ég heyrði viðtal í gær við forstöðumann lýðheilsustofnunar eða einhvers álíka batterís og var hann spurður úti þessi mál. Megin tilgangur bannsins er að starfsfólk baranna þurfi ekki að vinna í svona reykmettuðu umhverfi. Spurður að hverju reykherbergi kæmu ekki til greina var svarið ca "af því bara". Þegar honum var bent á að í mörgum fyrirtækjum væru reykherbergi fyrir starfsólk, svaraði hann því til að ekkert stöðvaði barina í að hafa reykherbegi fyrir starfsmenn sína, en ekki fyrir viðskiptavinina!!

Hvar liggur munurinn hér? starfsmenn mega reykja í lokuðum herbergjum með góðri loftræstingu en viðskiptavinirnir þurfa að hýrast úti.

Eins og áður sagði er ég alfarið á móti reykingum, en í þessu máli eru yfirvöld úti að aka.

Athugasemdir

[Gulli (IP-tala skráð) 1.2.2008 kl. 17:41]

Þarna er ég alveg sammála þér, reykherbergi myndu líka þýða að maður þyrfti ekki að vaða í gegnum hóp af reykspúandi níkótínfíklum á leiðinni inn á staðina. Yrði líklega töluvert þrifalegra í kringum þá líka í kjölfarið!

[Begga syss (IP-tala skráð) 5.2.2008 kl. 19:39]

Já, það má deila um þetta. Ef það á að leyfa reykherbergi, þarf þá ekki líka að leyfa herbergi fyrir alla hina fíklana?

[Anna Bogga (IP-tala skráð) 7.2.2008 kl. 09:22]

Já þeir hefðu mátt pæla aðeins í þessu betur en ég vil ekki fá reykingaliðið inná skemmtistaðina aftur frændi. Svo finndist mér að Alþingismenn ættu nú að iðka það sem þeir ætlast til að aðrir gera. Loka reykingaherberginu hjá þeim.