Reyklaust

Já, ég fór á pöbbinn á laugardaginn.  Nánar tiltekið Ölver, þar sem steggjaveisla Hafsteins, verðandi eiginmanns Vilborgar frænku, endaði.  Ölver hefur alltaf verið útúrreyktur staður, þar sem reykjamökkurinn svífur um allt (eins og á flestum öðrum skemmtistöðum).  En þarna sátum við í fjóra tíma og leið vel.  Og það sem meira er, fötin voru ekki angandi af ógeði á sunnudagsmorguninn.

Maður á eflaust eftir að sækja pöbbana í meira lagi í sumar.  Verst að manni virðist ekki vera óhætt í miðbæ Reykjavíkur, sennilega hættulegustu borg í heimi.

Hann er vinsæll í Svíþjóð, Daninn, sem er búsettur í Svíþjóð, sem lamdi dómarann í einum magnaðast knattspyrnulandsleik milli þjóðanna.

 

Verst að mörkin í leiknum koma ekki til með að skipta neinu máli.  En er þetta eitthvað sem við Íslendingar þurfum að gera til að fá stig.  Dulbúa íslendinga, dubba þá upp í landsliðsbúning andstæðinganna og koma þeim í þeirra stuðningsmannahóp, hlaupa svo inná völlinn og ráðast á dómarann, eða boltastrák eða eitthvað slíkt.  Allir halda að kauði sé andstæðingur og íslendingar fá öll stigin.  Við ættum að geta gert þetta í 5 leikjum í einni undankeppni áður en einhver fattar trendið, og þá eigum við fína möguleika að komast á HM eða EM.  En þar sem við eigum ekkert erindi þangað er þetta kannski vond hugmynd.

Íslendingar gerðu jafntefli við land sem er á stærð við tvö Þingvallavötn og með 34.000 íbúa.  Vel gert strákar!!

Annars liggur leiðin til París í vikulok í smá afslappelsi.  Verður eflaust mjög gaman.